Scoop by Kuldeep Nayar

ஸ்கூப் ( Scoop) இந்தியாவின் மிக மூத்த பத்திரிக்கையாளர்களுள் ஒருவரான குல்தீப் நய்யாரின் செய்தி சேகரிப்பு, ரிப்போர்டிங், அரசியல் தலைவர்களுடனான அவரது உறவு, அவரது ரிப்போர்டிங்கினால் இந்திய அரசியலிலும், நிர்வாகத்திலும் நிகழ்ந்த மாற்றங்கள் என பல தளங்களில் நடந்த சுவாரசியமான சில கட்டுரைகளின் தொகுப்பு நூலாக வந்திருக்கிறது.

ஆறு பெரும் பிரிவுகளாக முதலில் இந்த நூலை பிரித்துக்கொண்டுள்ளார்

1. பிரிவினை
2. நேருவின் ஆட்சிக்காலம்
3. லால் பகதூர் சாஸ்திரியின் ஆட்சிக்காலம்
4.இந்திரா காந்தியின் ஆட்சிக்க்காலம்
5. நெருக்கடி நிலை
6. துணைக்கண்டத்தை அதிர வைத்த சம்பவங்கள்

பிரிவினை:

தேசப்பிரிவினை பகுதியின் முதல் கட்டுரையாக தான் மகாத்மா காந்தி இறந்த அன்று செய்தி சேகரிக்கப்போன 1948 ஜனவரி 30ஐ நினைவிற்கொண்டு எழுதத்தொடங்குகிறார். தேசமே அதிர்ந்து போன அந்த நிகழ்வும், அதன் பின்னால் இருந்த தேசப்பிரிவினையின் பங்கையும் பற்றி விரிவாகப்பேசும் கட்டுரைகளை தன் பார்வையில் எழுதியிருக்கிறார். இந்தப்பகுதியில் அவர் ஜின்னா, மவுண்ட் பேட்டன், ரெட்கிளிஃப் ஆகியோரை பின்னாளில் பேட்டியளித்த நினைவுகளைத்தொகுத்து பிரிவினைக்காலத்தின் வெவ்வேறு
மனச்சித்திரங்களை கோடிட்டுக்காட்டியபடி செல்கிறார்.

நேரு:

நேருவின் ஆட்சிக்காலத்தைப்பற்றிய இரண்டு முக்கிய விஷயங்களை நீண்ட கட்டுரைகளை வடித்திருக்கிறார். முதலாவது நமக்கு மிகவும் பரிச்சியமா ஹிந்தித்திணிப்பும், அதன் பின்பு நடந்த கலவரங்களும் பற்றியது. ஹிந்தியை ஆட்சி மொழியாக்க பெரும் பிரயத்தனப்பட்ட அப்போதைய உள்துறை அமைச்சர் கோவிந்த் பல்லப பந்த் (Goving Ballabh Bant)தின் முயற்சிகளைப்பற்றி பெருமளவு இந்தக்கட்டுரை பேசுகிறது. ஆரம்பத்திலிருந்தே இந்த முயற்சியில் நேருவுக்கு இருந்த அசுவாரசியமும் வெளிப்படுகிறது. பிறகு அறைகுறையாகக்கொண்டு வரப்பட்ட ஒரு சுற்றறிக்கை ஏற்படுத்திய கலவரங்களின் பிரதிபலிப்பாகவே, ஹிந்தி ஆட்சிமொழியாக்கப்படாது என்ற அதிகாரபூர்வ அறிவிப்பு அரசாங்கத்திடமிருந்து வந்திருக்கிறது

நேரு குளியலறையில் விழுந்து இறந்துபோன 1964 மே 27ந் தேதிக்கு முன்னதாகவே, அவருக்கு பக்கவாத பாதிப்பு இருந்த நாளிலிருந்தே நேருவுக்கு அடுத்தது யார் என்ற கேள்வி தேசத்தில் பிரதானமாக இருந்ததாகக் கூறுகிறார் நய்யார். இந்திராகாந்தியின் பெயர் சலசலக்கப்பட்டாலும், நேருவே அவளுக்கு பக்குவம் போதாது என்று சொன்னதாகவும் தகவல் வருகிறது. பிரதமர் பதவிக்கு மிக முக்கிய போட்டியாளர்களாக லால் பகதூர் சாஸ்திரியும், மொரார்ஜி தேசாயும் களத்தில் இருந்திருக்கிறார்கள். நய்யார் சாஸ்திரியின் உதவி அதிகாரியாக சில நாட்கள் வேலை பார்த்திருந்ததனால் அவர் மீது இவருக்கு சற்றே soft corner இருப்பது புரிகிறது. அதை மொரார்ஜி தேசாயும் நன்கு உணர்ந்து இவருக்க்கு சரியான பத்திரிகை ரீதியான ஒத்துழைப்பும் வழங்காதிருந்திருக்கிறார். பிரதமரை தேர்ந்தெடுக்கு தேர்தலில்லாமல் முடிவெடுக்க மொரார்ஜி தேசாய்க்கு அப்போதைய காங்கிரஸ் தலைவர் காமராஜர் தூது விட்டிருக்கிறார். மொரார்ஜி அதை விரும்பவில்லை. தேர்தலுக்கு முதல் நாள் குல்தீப் சாஸ்திரிக்கு ஆதரவான ஒரு பெரிய பத்திரிகைச்செய்தி காங்கிரஸ் உறுப்பினர்கள் பல பேரை சாஸ்திரிக்கு ஆதரவாக முடிவெடுக்க வைத்திருக்கிறது. சாஸ்திரி பிரதமரானதும், காமராஜர் ரகசியமாக குல்தீப் நய்யாருக்கு நன்றியும் சொல்லியிருக்கிறார்.

சாஸ்திரி:

சாஸ்திரியின் ஆட்சிக்காலம் குறித்தும், அப்போது நடந்த இந்தோ-பாக் போரின்போது அவரின் புத்திசாலித்தனமான முடிவுகள் குறித்தும், நிர்வாகத்திறமை குறித்தும் மிக மிக உயர்வாக எழுதப்பட்டிருக்கிறது. ஏற்கனவே நான் கூறியபடி அவரின் மீது குல்தீப்புக்கு இருக்கும் soft corner இந்தக்கட்டுரைகளில் அதீதமாக வெளிப்படுகிறது. ஆனால் தாஷ்கெண்ட் ஒப்பந்தத்தின் காரணமாக தனக்கு தேசத்திலும், காங்கிரசிலும், குடும்பத்திலும் அவப்பெயர் வந்து விடுமோ என இறுதி நாளில் சாஸ்திரி கலங்கியதையும், அதன் காரணமாகவே மாரடைப்பில் இருந்தததையும் கோடிட்டுக்காட்டுகிறது. பின்னாளில் இம்மரணமே ஒரு சதிவேலையாக இருக்கலாம் என்ற சந்தேகத்தை நிவர்த்தி செய்ததும் வருகிறது.

இந்திரா மற்றும் எமர்ஜென்சி:

இந்தப்புத்தகத்தின் மிகப்பெரிய சுவாரசியம் இந்திராகாந்தி பகுதிகள்தான். காமராஜரின் ஆதரவில் பதவிக்கு வருவதும், பதவிக்கு வந்த நாளிலிருந்து சர்வாதிகாரப்போக்கை கடைபிடிப்பதும், சிண்டிகேட் மெம்பர்களை மதிக்காமல் நடப்பதும், தேவையில்லாத பொருளாதாரச்சீர்திருத்தங்கள் செய்து விலைவாசியை ஏற்றுவதும், ஒன் வுமன் ஷோவாக ஆட்சி நடத்துவதும், மூத்த தலைவர்களின் சொல் பேச்சு கேட்காமல் நடப்பதும் (காங்கிரஸ் நிறுத்திய குடியரசுத்தலைவர் வேட்பாளரையே தோற்கடிக்க வி வி கிரியை சுயேச்சையாக நிப்பாட்டுகிறார்) என சமகாலத்தின் ஏகப்பட்ட சுவடுகளைக்காண முடிகிறது. எமர்ஜென்சி கால சித்திரங்கள் அவசியம் வாசித்து அறிய வேண்டியன.

துணைக்கண்ட சம்பவங்கள்:

இந்தப்பகுதியில்

– பாகிஸ்தான் அணுகுண்டின் தந்தையான ஐ க்யூ கான் அணுகுண்டு தயாரிப்பு பற்றிய செய்தியைச்சொன்ன அவரின் முதல் பேட்டி
– வங்க தேச யுத்தம், அதில் அமெரிக்காவின் பங்கு
– புட்டோவின் தூக்கு
– ஜெயவர்தனே – விடுதலைப்புலிகள் மோதல் பற்றிய கட்டுரை
– லாகூருக்கு வாகா எல்லை வழியிலான பேருந்துப்பயணம் – வாஜ்பாய் பேட்டி

ஆகியவை பற்றிய கட்டுரைகள் உள்ளன.

ஒரு பெரிய வரலாற்றுப்புத்தகத்தின் சிறிய முக்கியமான பகுதிகள் அடங்கிய குறுகிய வடிவம் போல இந்தப்புத்தகம் இருந்தது. மிக மிக சுவாரசியமானதும் கூட

அமேசானில் வாங்க

srirangam chronicles-2-திருவெறும்பூர் கரும்பு மக்கள்

2558 ஓட்டுக்கள் மட்டுமே பெற்று திருச்சி மக்களவைத்தொகுதியில் டெபாசிட் இழந்த லதிமுக வேட்பாளர் மன்சூர் அலிகானின் தேர்தல் பிரச்சார சுவரொட்டிகள் இரண்டு.

Continue reading

சூட்சுமம்

தினமலர் நாளிதழின் (சென்னை எழும்பூர் அலுவலகம்) செய்தி ஆசிரியர் பார்த்திபன் சென்னை காவல்துறை ஆணையர் சேகரிடம் புகார் மனு ஒன்றை அளித்துள்ளார்.அதில், வேலூர் தினமலர் பதிப்பில் நபிகள் நாயகம் பற்றிய கார்ட்டூன் படம் ஒன்று வெளியானது தொடர்பாக இஸ்லாமியர்கள் போராட்டம் நடத்தினர். பின்னர் இந்த பிரச்சினை சுமூகமாக பேசி முடிக்கப்பட்டது.ஆனால் இது தொடர்பாக இரு பிரிவினருக்கு இடையே மோதலை உண்டாக்கும் வகையில், சன் டிவி செய்தி வெளியிட்டது. இது பொது அமைதிக்குப் பங்கம் விளைவிக்கும் செயல் ஆகும். இதுதொடர்பாக சன் டிவி மீது சட்டப்பூர்வ நடவடிக்கை எடுக்க வேண்டுகிறேன் என்று பார்த்திபன் கூறியிருந்தார்.

இந்தப் புகார் மனு மீது அரசு வக்கீலின் ஆலோசனை பெற்று சென்னை மத்திய குற்றப் பிரிவு போலீஸார், 153ஏ, 505-2 ஆகிய பிரிவுகளின் கீழ் வழக்குப் பதிவு செய்துள்ளனர்.முதலில் செய்தி ஆசிரியர் பார்த்திபனிடம் போலீஸார் விசாரணை நடத்தினர். அப்போது சன் டிவி செய்தி ஆசிரியர் ராஜாதான் செய்திகளுக்கு முழுப் பொறுப்பு என்று பார்த்திபன் போலீஸாரிடம் தெரிவித்தார்.இதையடுத்து ராஜாவுக்கு போலீஸார் விசாரணைக்கு ஆஜராகுமாறு கூறி சம்மன் அனுப்பினர். ஆனால் ராஜா வரவில்லை.

இந்த நிலையில் சன் டிவி சார்பில் நேற்றுமத்திய குற்றப் பிரிவு போலீஸாரிடம் ஒரு கடிதம் தரப்பட்டது. அதில், செய்திகளுக்கு ராஜா பொறுப்பில்லை. நிர்வாக ஆசிரியர் முரசொலி செல்வம்தான் பொறுப்பு என்று அதில் தெரிவிக்கப்பட்டிருந்தது.இதையடுத்து முரசொலி செல்வத்திடம் போலீஸார் விசாரணை நடத்த முடிவு செய்துள்ளனர் என்று தெரிகிறது.முரசொலி செல்வம், மறைந்த முரசொலி மாறனின் தம்பி ஆவார். இவர் முதல்வர் கருணாநிதியின் மகள் செல்வியை மணந்துள்ளார் என்பது குறிப்பிடத்தக்கது.

courtesy : Thatstami.com

…Sung by JJ

1999 ம் வருடம் சிமிகேர்வலின் பேட்டி ஒன்றின்போது (Rendezvous with simi garewell) ஜெயலலிதா அவர்கள் ஒரு ஹிந்தி பாடலை பாடகேட்டிருக்கிறேன். ஆனால் அப்போது அவரது குரல் ஏனோ என்னை ஈர்க்கவில்லை. அண்மைய நாட்களில் அடிமைப்பெண் திரைப்படம் பார்த்துக்கொண்டிருந்தபோது அவரது குரலில் ஒலித்தஅம்மா என்றால் அன்பு” (இப்போதுதான் முதன் முறையாக கேட்கிறேன்..) என்னை மிகவும் கவர்ந்தது. . பாடலைக் கேட்க இங்கே சொடுக்கவும்

ஏன் அவர் திரைப்படங்களில் தொடர்ந்து பாடவில்லை என்ற விபரம் தெரியவில்லை.

சில எண்கள்… சில கவலைகள்…

6 : இந்தியாவில் மக்களின் பசிக்கொடுமையைப் போக்குவது எப்படி என்ற தலைப்பின் விவாதம் நடத்த மக்களவை தயாரானபோது அவையில் இருந்த உறுப்பினர்களின் எண்ணிக்கை.

 

540 : இந்தியாவின் மொத்த மக்களவை உறுப்பினர்களின் எண்ணிக்கை

 

49.3 : மக்களவையில் கிரிமினல் வழக்குகள் உள்ள உறுப்பினர்களின் சதவீதம்.

 

100 : 1951 ம் வருடத்தில் மக்களவை நடத்த ஒரு நிமிடத்திற்கு ஆன செலவு இந்திய ரூபாயில்.

 

20000 : 2007ல் மக்களவை நடத்த ஒரு நிமிடத்திற்கு ஆகும் செலவு இந்திய ரூபாயில்

 

1,79,00,000 : 1967 ல் மக்களவை தேர்தல் நடத்த அரசாங்கத்தால் செலவிடப்பட்ட பணம் – இந்திய ரூபாயில்.

 

10000000000 : 2001ல் மக்களவை தேர்தல் நடத்த அரசாங்கத்தால் செலவிடப்பட்ட பணம் – இந்திய ரூபாயில்.

மாறன் பிரதர்ஸ் vs மு.க.பிரதர்ஸ் – சில கேள்விகளும் சில யூகங்களும்

கேள்விகள்

 

1. மத்திய அரசிலும், தி.மு.. சார்பில் டெல்லியிலும் குறைந்த நாளில் மிக அதிக பெருமை ஈட்டிய தயாந்தி மாறன் திடீரென்று மாநில அளவில் குழப்பம் ஏற்படுத்தும் ஒரு கருத்துக்கணிப்பை ஏன் நடத்த வேண்டும்.?

 

2. ஸ்டாலின் தான் பிரதான வாரிசு என்பதுதான் உள்ளங்கை நெல்லிக்கனியென தெளிவாகத் தெரிந்திருக்கையில் எதற்காக இந்த சிறிய கருத்துக்கணிப்புக்கு அழகிரி இவ்வளவு கடுங்கோபம் கொள்ள வேண்டும்.

 

 

3. என்னதான் கடின உழைப்பால் மேலே வந்திருந்தாலும், தி.மு..வினால் பெற்ற சலுகைகளை மறந்து ஏன் கலாநிதி மாறன் இப்படிப்பட்ட சர்ச்சையை கலைஞர் தடுத்தும் மேற்கொள்ள வேண்டும்.?

 

4. எல்லா தொலைக்காட்சிகளும், அச்சு ஊடகங்களும் மதுரை மேயரும், அவரது ஆட்களும் செய்யும் அராஜகங்களை பிரசுரித்து / ஒளிபரப்பிய பின்னரும்அவர்கள் தெள்ள்த்தெளிவாக அழகிரியிம் தூண்டுதலால்தான் செய்திருக்கிறார்கள் என்று தெரிந்திருந்தும் அவர்கள் மீதான நடவடிக்கையினை மறந்துவிட்டு தயாநிதியையும், கலாநிதியையும் மட்டுமே கருத்தில் கொண்டு எல்லோரும் பேசிக்கொண்டிருப்பது எதற்காக?

 

5.தன்னை அரசியலில் நுழைத்து அகர முதலி கற்பித்து வானளாவ உயர்த்திட்ட கலைஞரின் பொன்விழாவை புறக்கணிக்கும் அளவுக்கு தயாநிதிக்கு என்ன வருத்தம் / கோபம்.?

 

 

6. திருவாளர்கள் மருத்துவர் ஐயா ராமதாசு, திருமாவளவர், .வி.கே.எஸ். இளங்கோவர் போன்ற கூட்டணியில் இருந்தாலும் சமுதாய / மக்கள் நலன் பேணுகின்ற சமத்துவர்கள் ஏன் இந்த சம்பவத்தின் அடிநாதமான கலைஞரின் பிள்ளைப்பாசத்தினை பற்றி பேசக்கூட இல்லை?

 

7.அழகிரிதான் வன்முறைக்கு அடிப்படை காரணம் என்று தெரிந்த பின்னரும், அவருக்கு விமான நிலையத்திலிருந்து வீடு வரை போலீஸ் மரியாதையுடன் அணிவகுப்பு அளித்தது எந்த விதத்தில் நியாயம்.?

 

8. கடந்த சில நாட்களாக வன்முறையைப் பற்றிய செய்திகளை மறந்து / மூன்று உயிர்களைக்குடித்த அந்த கோர சம்பவத்தை மறந்து / தயாநிதிக்கும் / கலாநிதிக்கும் சன் டி.வி.க்கும் என்ன நிலை வருமோ என்று ஏன் எல்லா ஊடகங்களும் கவலைப்படுகின்றன?

 

9.இவை எல்லாமே கனிமொழியின் அரசியல் வரவிற்காக மு..பிரதர்ஸ் நடத்தும் நாடகங்களா? அப்படியெனில் எதிர்காலத்தில் கனிமொழி தயாநிதி போன்றே தனக்கு பின்னால் ஒரு intellectual பிம்பத்தோடு கூட்டம் சேர்த்தால் இதே கோபம் அவர் மீதும் திரும்புமா?

 

 

10. சட்டம், ஒழுங்கு என்று சொல்லப்படுவதெல்லாம் அவர்கள் மற்றும் இவர்களின் குடும்பங்களுக்கு கிடையவே கிடையாதா?

 

யூகங்கள்

 

1. ஒரு வேளை In the near future, நடந்த எல்லாவற்றையும் மறந்து மாறன் மற்றும் கலைஞர் குடும்பங்கள் கருத்து வேறுபாடுகளை மறந்து இணைந்து அவர்களின் குடும்ப புகைப்படம் தினகரன் முதல் பக்கத்தில் வெளியாகும்போது இப்போது பெரும் பதற்றத்துடன் நிகழ்ந்தவைகளை பார்த்துக்கொண்டிருக்கும் நம் நிலை என்ன?

 

2. ஒரு வேளை தயாநிதி அரசியல் எதிர்காலத்திற்காக அ...தி.மு..வில் இணைந்து விட்டால் சன் டி.வி.இனிமேல் அம்மாவின் நிகழ்ச்சிகளை நேரடி ஒளிபரப்பு செய்யுமா?

தமிழகம் -அமைதிப்பூங்கா?

சோ

வாசகர் கேள்வி: அமைதிப்பூங்காவாக தமிழகத்தை மாற்றுவேன் என்று கூறியிருக்கிறாரே முதல்வர் கருணாநிதி?

 

துக்ளக் ஆசிரியர் சோ பதில் : “ராபின்சன் பூங்கா” என்று ஒரு பூங்காவிற்கு பெயர் வைத்தால் அதில் ராபின்சனை போய் தேடிக்கொண்டா இருக்க முடியும். இறந்து போன ராபின்சன் நினைவாக ராபின்சன் பூங்கா. மறைந்து போன அமைதியின் நினைவாக அமைதிப்பூங்கா.